22ம் நாள்- முதல் அரை இறுதி மோதல்

61/64 நெதர்லாந்து எதிர் உருகுவே 3:1(1:1)
Bronkckhorst 18, Forlan 41, Sneijder 70, Robben 73,Pereira 92

அரையிறுதியில் முதல் போட்டி இன்று நடைபெற்றது. இதுவரை விளையாடிய 5 போட்டிகளிலும் வெற்றியீட்டிய அணி நெதர்லாந்து. ஒருபோதிலும் அது உலககிண்ணைத்தை வென்றிருக்கவில்லை.ஆனால் கடைசியாக விளையாடிய 24 போட்டிகளில் அது தொடர்ந்து வெற்றியை ஈட்டிவந்துள்ளது.

எதிரணி தென் அமெரிக்காவின் உருகுவே. 2 தடவை உலககிண்ணத்தினை வென்ற அணி உருகுவே. அது தன் குழுவில் முதல் நிலைபெற்று, முன்னாள் சம்பியன் பிரான்சுடன் சமநிலை கண்டது. காலிறுதியில் கானாவுடன் விளையாடி தண்டனை உதை மூலமாக அரையிறுதியை அடைந்தது.

ஆட்டம் தொடங்கியதிலிருந்து நெதர்லாந்து அணியே விளையாட்டில் ஆதிக்கம் கொண்டிருந்தது. 18ம் நிமிடத்தில் அணித்தலைவர் சிறப்பாக ஒருகோலை அடித்தார்.41ம் நிமிடத்தில் உருகுவேயின் அணித்தலைவர் ஒரு கோலை தூரத்திலிருந்து அடித்தார். நெதர்லாந்து காப்பாளர்ர் அதனைத் தட்டிவிட முயன்றாலும் வாய்க்கவில்லை. முற்பாதியில் உருகுவே 5தடவையும் நெதர்லாந்து 4 தடவையும் கோலுக்கு எத்தனித்திருந்தன. 55% பந்தை விளையாடியவர்கள் ஆக நெதர்லாந்து இருந்தது.

நெதர்லாந்து அடுத்தடுத்து 2கோல்களை அடித்தது. 70 ம் நிமிடத்தில் சினைடரும் 73ம் நிமிடத்தில் ரொப்பனும் கோலடித்து நெதர்லாந்தினை வலுவான நிலைக்குக் கொண்டு சென்றனர். 92ம் நிமிடத்தில் உருகுவே அதிரடியாக ஒரு கோலை இறக்கியது. இறக்கியவர் பெரைரா. கடைசிநிமிட விளையாட்டு மிக விறுவிறுப்பாக அமைந்தது. உருகுவே வீரர்கள் ஆட்டத்தைச் சமப்படுத்த மிகப்போராடினர். ஆனால் பயன் கிடைக்கவில்லை. உருகுவே வெளியேற இறுதிப்போட்டியில் 11ம் திகதி விளையாட உறுதிப்படுத்திக்கொண்டது நெதர்லாந்து.
இதுவரை தோற்காமல் விளையாடிவரும் இவ்வணிக்கு இன்னும் ஒரு வெற்றி மட்டுமே தேவை.

அது நிறைவேறினால் அதுவே புதிய உலக சம்பியன்.

நடுவர்::Ravshan IRMATOV/உஸ்பெஸ்கிஸ்தான்.
அட்டைகள்:
மஞ்சள்: நெதர்லாந்து 2/ உருகுவே 2
விளையாட்டரங்கு:Green Point Stadium,Cape Town

அரை இறுதி மோதல்கள் இன்றும் நாளையும்

நெதர்லாந்து(ஐரோப்பா)	எதிர் 6-7-2010	உருகுவே(தென் அமெரிக்கா)
ஜேர்மனி(ஐரோப்பா)	எதிர் 7-7-2010	ஸ்பானியா(ஐரோப்பா)

21வது நாள்..காலிறுதி கடைசிப்போட்டி

60/64 பரகுவே எதிர் ஸ்பானியா 0:1(0:0)

Villa 83

தென்னமெரிக்க பரகுவே ஐரோப்பாவின் ஸ்பானியாவோடு மோதும் விளையாட்டு காலிறுதியின் கடைசிப்போட்டியாகும். பரகுவே ஜப்பானை தண்டனை உதை மூலம் வென்றே இப்போட்டிக்கு வந்தது. ஸ்பானியா பலமான போர்த்துக்கலை வென்று வந்தது.

முதலில் நடைபெற்ற ஜேர்மனி/ஆர்ஜன்ரீனா போட்டி போன்று கோல்களோ விறுவிறுப்போ இன்றி இப்போட்டி நடைபெற்றது.

முதல் பாதியில் கோல்கள் எதுவும் அடிக்கப்படவில்லை. எச்சரிக்கை அட்டைகள் எதுவுமில்லை. ஆனால் ஸ்பானியா பந்தை விளையாடுவதில் கூடிய பங்கை (59%)வகித்தது. இரண்டுதரப்பும் நான்குதடவை கோலுக்கு எத்தனித்திருந்தன.

இரண்டாவது பாதியில் 55ம் நிமிடத்தில் ஸ்பானியா ரொறெஸ்ஸை வெளியெடுத்து பாப்றெகாஸை மாற்றியது. அதனைத் தொடர்ந்து iஇருதரப்புக்கும் அடுத்தடுத்து 2நிமிட இடைவெளியில் தண்டனை உதைகள் கிடைத்தன. இரண்டும் கோல் காப்பாளர்களால் பிடிக்கப்பட்டன. அதனைத்தொடர்ந்து ஆட்டம் மிகுந்த விறுவிறுப்பாக காணப்பட்டது. 83ம் நிமிடத்தில் டேவிட் வில்லா ஒருகோலை அடித்தார். பீட்றொ அடித்த பந்து கோல் கம்பத்தில் பட்டு திரும்பியபோது அதனை திருப்பியடித்துக் கோலாக்கினார். அரையிறுதி ஆட்டத்துக்கு ஸ்பானியாதெரிவானதாக ஆட்டம் முடிவுக்கு வந்தது.

நடுவர்:Carlos Batres கௌதமாலா

அட்டைகள்

மஞ்சள்: பரகுவே 4 ஸ்பானியா 2

Ellis Park stadium/Johannesberg

21வது நாள்..காலிறுதி மூன்றாவது போட்டி

59/64 ஜேர்மனி எதிர் அர்ஜன்ரீனா 4:0(1:0)

Thomas Muller 3,Miroslav Klose (68,89)Arne Friedrich (74)

முன்நாளில் உலகநாயகனாக இருந்த இரண்டு நாடுகள் இந்தக் காலிறுதியின் 3வது போட்டியில் மோதிக்கொள்கின்றன. ஜெர்மனி அதிபர், தென்னாபிரிக்க அதிபர் என பெரிய தலைவர்கள் ஆட்டத்தினைக்காண களத்துக்கு வந்திருந்தனர்.

மிகுந்த பரபரப்பான சூழலில் விறு விறுப்பாகப் போட்டி ஆரம்பமானது

3ம் நிமிடத்தில் எதிர்பாராத விதமாக ஜேர்மனி கோலடித்தது. தூரவைத்து

ஸ்வைன்ஸ்ர்ரைகர் அடித்த பந்தினை முல்லர் லாவகமாக தலையால் தட்டிவி

ட அது கச்சிதமான கோல் ஆனது. .11ம் நிமிடத்தில் அர்ஜன்ரீனா முதல் மஞ்சள்

அட்டையை வாங்கியது. முற்பாதி 1:0 என முடிவடைந்தது.

உலககோப்பையின் வரலாற்றில் முக்கிய ஓர் ஆட்டக்காரராகச் சரித்திரம் படைத்துள்ள மரடோனாவின் பயிற்சியின் கீழ் உருவாக்கப்பட்டஅணி இம்முறை உலகக்கோப்பையை வெற்றிகொள்ளும் என பலதரப்பு

களால் எதிர்வு கூறப்பட்டிருந்தன. முன்னைய போட்டிகளில் அவ்வாறே

சுலப வெற்றிகளை அது ஈட்டி வந்திருந்தது.ஆனால் இன்று சகலதும் தலைகீழாக

மாறிப்போனது.

ஜேர்மனி 3ம் நிமிடத்தில் ஒரு கோலெனெமுன்னிலை வகித்தது என்பதுடன், ஆட்டம்முழுவதிலும்சிறப்பாகவும் விளையாடியது. 68 Klose, 74 Friedrich, 89 Klose

என அடுத்தடுத்துக் கோல்களை அடித்து ஆர்ஜன்ரீனாவை அமுக்கிவிட்டது.

ஒரு கோலைக் கூட அடிப்பதற்குஅனுமதிக்கவில்லை. ஜேர்மனியின் கோல் காப்பாளர் NEURER மிகச் சிறப்பாக ஆர்ஜன்ரீனாவின் அடிகளை பிடித்து ஜேர்மனியின் வெற்றிக்கு மிக உதவினார்.

இன்று 2 கோல்களை அடித்ததுடன் உலககிண்ணத்தில் அதிக கோலடித் தவர்களில் 2வது இடத்துக்கு KLOSE உயர்ந்திருக்கிறார். முதலிடத்தை

சமன் செய்ய ஒரு கோல் வேண்டும். சாதனையாளனாகிட 2 கோல்வேண்டும். (அது கூடச் சத்தியமாயி ருந்திருக்கும், 2 வது போட்டியான சேர்பியாவுக்கு எதிரான போட்டியில் சிவப்பு அட்டை வங்காமலிருந்திருந்தால்)அவரின் கணக்கு இன்று 14. உலகசாதனை 15. ரொனால்டோ.

அரையிறுதி ஆட்டத்தில் ஸ்பானியாவை ஜேர்மனி சந்திக்கின்றது. இதுவர

விளையாடிய 5 ஆட்டங்களில் 4:0- 0:1- 1:0- 4:1- 4-0 என கோல் கணக்குக் கொடுத்து 13:2 என தேறிய கோல் கணக்கில் ஜேர்மனி உயர்வாக

நிற்கிறது.

சோகத்தில் மூழ்கிய மரடோனா

நடுவர்: Irmatov.உஸ்பெஸ்கிஸ்தான்

அட்டைகள்

மஞ்சள்: ஜேர்மனி 1 ஆர்ஜன்ரீனா 1

விளையாட்டரங்கு:GreenPointStadium. Cape Town