10வது நாள்...20.6.2010

29/64 பிரேசில் எதிர் ஐவரிகோஸ்ற் 3:0(1:0)

இன்றைய 3 ஆட்டத்தில் உலககிண்ண சாதனைநாடான பிரேசில் ஐவரிகோஸ்ற்றை எதிர்த்து ஆடுகிறது. 84 ஆயிரத்துக்கு மேற்பட பார்வையாளர்கள். பிரேசில் 3 ஐவரிகோஸ்ற் 1 என முன்னையபோட்டி புள்ளி நிலைவரம்.

போட்டி தொடக்கம் முதலே விறுவிறுப்பாக இருந்தது. 25வது நிமிடத்தில் பிரேசில் ஒரு கோல் அடித்தது. அடித்தவர் FABIANO. இருதரப்பும் தொடர்ந்து கடுமையாக விளையாடின. 31ம் நிமிடத்தில் ஐவரிகோஸ்ற் வீரர் TIENEக்கு நடுவர் எச்சரிக்கை அட்டை கொடுத்தார். முற்பாதி 1:0 என்கிற நிலையில் முடிவுற்றது.

2வது பாதிதொடங்கி 5 நிமிடத்தில் அடுத்த கோலை FABIANOவே அடித்தார்.

தொடர்ந்தும் கோல். 62நிமிடத்தில். அடித்தவர் பிரேசிலின் ELANO. அடுத்து 5நிமிடங்களில் காயம்காரணமாக அவர் வெளியேறினார். பதிலீடாக ALVESஉள்ளே வந்தார். தொடர்ந்தும் காலடிப்பதற்கான எத்தனங்கள் பிரேசில் தரப்பிலிருந்து தொடர்ந்தது. ஆனால் 79ம் நிமிடத்தில் தலையால் இடித்து அழகாக ஒரு கோலை ஐவரிகோஸ்ற் அணித்தலைவர்DROGBA இறக்கினார்.

இருதரப்பு வீரர்களிடையே குழப்பங்கள் நிகழ்ந்தன. 85ம் நிமிடத்தில் மஞ்சள் அட்டை பெற்ற பிரேசிலின் நட்சத்திரவீரர் KAKA 88ம் நிமிடத்தில் இன்னொரு எதிர்தரப்பு வீரரை இடித்தமைக்காக மஞ்சள் +சிகப்பு அட்டை கொடுத்து வெளியேற்றப்பட்டார்.

இறுதியில் 3:1 என்கிற கணக்குடன் ஆட்டம் முடிவடைந்தது. பிரேசில் அரைக்காலிறுதி சுற்றுக்காக தனது பெயரைப் பதிவு செய்தது.

நடுவர்:Lannoy/France

விளயாட்டரங்கு:Capstadt

பார்வையாளர்:84,490

---

28/64 இத்தாலி எதிர் நியூசிலாந்து 1:1(1:1)

தற்போதய உலக நாயகனான இத்தாலி இன்றய 2வது போட்டியில் நியூசிலாந்துடன் மோதியது. முதல் போட்டியாளர்கள் போலவே இரண்டு அணிகளுமே முன்னைய போட்டிகளில் சமநிலை கண்டதால் தலா 1 புள்ளியுடன் நின்றன.

நியூசிலாந்து 7வது நிமிடத்தில் ஒரு கோலை அடித்தது. அடித்தவர் Shane Smeltz. 28 நிமிடங்களாக நியூசிலாந்தின் இந்த முன்நிலை தொடர்ந்தது. இத்தாலி கடும்முயற்சிகள் மேற்கொண்டும் எதுவித பலனும் இருக்கவில்லை. ஆனால் 28ம் நிமிடத்தில் இத்தாலி வீரர் Daniele De Rossi யை நியூசிலாந்தின் Tommy Smith தண்டனை எல்லைக்கோட்டுக்குள்ளாக தள்ளிவிழுத்தியமை காரணமாக மஞ்சள் அட்டையும் தண்டனை உதையும் நடுவரால் வழங்கப்பட்டது. அதுவே இத்தாலிக்கு போட்டியைச் சம்ன் செய்யக்கிடைத்த வாய்ப்பாக அமைந்தது. தண்டனை உதையை பயன்படுத்தி Vincenzo Iaquinta இலகுவாக ஒரு கோலைப் பெற்றார். அதன் பின்னர் இரண்டு அணிகளும் ஒருகோலையும்

அடிக்காமையால் போட்டி சமநிலையில் முடிவடைந்தது. இத்தாலி வெறும் 2 புள்ளிகளுடன் 3வது போட்டியை எதிர் நோக்கி நிற்கின்றது. 24ந்திகதி ஸ்லவாக்கியாவை வென்றால் மட்டுமே அடுத்த சுற்றுக்கு நடப்புச் சம்பியன் செல்லக்கூடும்.

ந

டுவர்: CARLOS BATRES (GUA)

விளையாட்டரங்கு:Mbombela Stadium Nelspruit

பார்வையாளர்:

---

27/64 பரகுவே எதிர் ஸ்லவாக்கியா 2:0(1:0)

இன்றைய முதல் போட்டியில் பரகுவே ஸ்லவாக்கியாவை எதிர்த்துப் போட்டியிட்டது. இரண்டு அணிகளுமே முன்னைய போட்டிகளில் சமநிலை கண்டதால் தலா 1 புள்ளியுடன் நின்றன. போட்டியின் தொடக்கம் முதலே பரகுவே போட்டியில் ஆதிக்கம் மிக்கதாக விளங்கியது.

இன்றைய போட்டியில் 2 கோல்களை அடித்து வென்றதன் மூலம் தனது முதல் வெற்றியைப் பரகுவே உலகக்கிண்ணம்2010ல் பதிவு செய்துள்ளது. E.VERA 27 நிமிடத்திலும் C.REVEROS 86நிமிடத்திலும் கோல்களை அடித்து பரகுவேயின் வெற்றியை உறுதிப்படுத்தினர். பரகுவேக்கு 1ம் ஸ்லவாக்கியாவுக்கு 3ம் என 4 மஞ்சள் எச்சரிக்கை அட்டைகள் வழங்கப்பட்டன. முதல் கோலடித்த வேராவே ஆட்டத்தின் நாயகனாக தெரிவானார்.

நடுவர்: Eddy Maillet/SEY

விளையாட்டரங்கு:Free State Stadium,Manquang Bloemfontein

பார்வையாளர்:

9வது நாள்...19.6.2010

26/64 கமரூன் எதிர் டென்மார்க் 1:2(1:1)

முதல் போட்டியில் தோற்றுப் புள்ளிகள அற்றிருக்கும் கம்ரூன், டென்மார்க் என்பன இன்றைய 3வது போட்டியில் மோதுகின்றன. உலகத்தரம் 19:36 என்கிற நிலை. இருஅணிகளும் முதலில் இப்போட்டியிலேயே சந்திக்கின்றன.

ஆரம்பம் முதலே வலுவாக மோதல் இருந்தது. போட்டி தொடங்கி 10வது நிமிடத்தில் ETO Oமூலம் தன் முதல் கோலை கமரூன் பதிவு செய்தது. தொடர்ந்தும் கமரூனே ஆதிக்கம் செலுத்தினாலும் 33ம் நிமிடத்தில் டென்மார்க்கின் POULSON அடுத்த கோலை இறக்கினார். 41ம் நிமிடத்தில் டென்மார்க்கும் 42 ,43ம் நிமிடங்களில் கமரூனும் கோலடிக்கும்ம் சிறந்த 3வாய்ப்புக்களைத் தவறவிட்டன. எதுவித அட்டைகளும் பெறாமல் சிறப்பான ஆட்டமாக முற்பாதி சமநிலையில் முடிவடைந்தது.

பிற்பாதியாட்டம் தொடங்கி 4நிமிடத்தில் முதலாவது மஞ்சள் அட்டை கமரூனின் BASSONGக்குக் கொடுக்கப்பட்டது. 61ம் நிமிடத்தில் டென்மார்க் அடுத்த கோலை (ROMMEDHAL)அடித்தது. கோலடிப்பதற்கான ஏராளமான வாய்ப்புக்களை தவறவிட்ட கமரூன் வெற்றியை டென்மார்க்குக்கு வழங்கி வெளியேறியது.

டென்மார்க்கின் கோல்காப்பாளர் உட்பட 4 மஞ்சள் அட்டைகள் வழங்கப்பட்டன.

நடுவர்: Larrionda/Uruguay

விளையாட்டரங்கு:Pretoria

பார்வையாளர்:45,000

---

25/64 அவுஸ்திரேலியா எதிர் கானா 1:1(1:1)

இரண்டாவது போட்டியில் அவுஸ்திரேலியா கானாவுக்கு எதிராக. போட்டி தொடக்கம் முதலே பரபரப்பானபோட்டி.

தொடங்கி 11வது நிமிடத்தில்

அவுஸ்திரேலிய வீரர் HOLMAN முதலாவது கோலை அடித்தார். காப்பாளர் பிடித்துத் தவற்விட்ட பந்தே அடிக்கப்பட்டுக்கோலானது. 23ம் நிமிடத்தில் கோல் வாயிலில் KEWELLகையால் பந்தை மறித்ததால் சிவப்பு அட்டை கொடுத்து வெளியேற்றப்பட்டார். தொடர்ந்த தண்டனை உதையில் கானா ஒருகோலை (ASAMAO GYAN)அடித்து சமப்படுத்தியது. முற்பாதி 1:1 என முடிந்தது.

பிற்பாதியில் 10பேர்கொண்ட அவுஸ்திரேலியாவுடன் கானா கடுமையாகப் போராட வேண்டியிருந்தது. இருதரப்பும் கோலாடிக்க மிகுந்த பிரயத்தனங்களை மேற்கொண்டனர். 71ம் நிமிடத்தில் கோலடிக்க கிடைத்த அற்புதமான வாய்ப்பு ஒன்றை அவுஸ்திரேலியா தவறவிட்டது. இறுதி நேரத்தில் அவுஸ்திரேலியர்கள் கடுமையாகப் போராடினர். இறுதியில் ஆட்டம் சமமாக முடிந்தது.

நடுவர்: Rosetti/Italy

விளையாட்டரங்கு:Rustenburg
பார்வையாளர்:20,000

---

24/64 நெதர்லாந்து எதிர் ஜப்பான் 1:0(0:0)

இன்ற முத்லாட்டத்தில் நெதர்லாந்துக்கு எதிராக ஜப்பான் விளையாடுகிறது. முதல் போட்டியில் வென்று த்லா 3 புள்ளிகளுடன் இரு அணிகளும் உள்ளன. இதில் வெல்பவர் அடுத்த சுற்றுக்குச் செல்வது உறுதியாகிவிடும். உலக தரத்தில் 4:45 என நிலைகொண்டுள்ள இவை முதன்முதலாக இப்போட்டியில் சந்திக்கின்றன.

ஆட்டம் தொடங்கி 30 நிமிடம் வரை இருதரப்பும் சமநிலையில் விளையாடிக்கொண்டிருந்தனர்.பந்தை விளயாடியதில் நெதர்லாந்தே அதிக சதவீதம் கொண்டிருந்தது. 35ம் நிமிடத்தில் நெதர்லாந்துவீரர் VAN DER WIELக்கு எதிரணிவீரரை வீழ்த்தியமைக்காக முதல் மஞ்சள் அட்டை காண்பிக்கப்பட்டது. ஜப்பானியர்களுக்கு கோலடிப்பதற்கான வாய்ப்புகள் சில கிடைத்தன. ஆயினும் கோல் எதுவுமில்லை. முற்பாதி ஆட்டம் கோலெதுவுமின்றி முடிவடைந்தது.

பிற்பாதி தொடக்கத்திலிருந்தே நெதர்லாந்தின் விளையாட்டில் வேகம் காணப்பட்டது. கோலடிக்க பல எத்தனங்களை மேற்கொண்டனர்.53ம் நிமிடத்தில் முதலாவதுகோலை SNEIJDER இறக்கினார். ஜப்பான் கோல்காப்பாளரது தவறு

கோலுக்குக் காரணமாகியது. மேலும் 3 கோலடிக்கும் வாய்ப்புக்களை (2 நெதர்லாந்து 1 ஜப்பான்) தவறவிட்டனர். இறுதியில் நெதர்லாந்து 1:0 என வெற்றியை தன்வசமாக்கிக்கொண்டது.

நடுவர்: Baldassi/Argentina

விளையாட்டரங்கு:Durban
பார்வையாளர்:60,000

8வது நாள்...18.6.2010

(23/64) இங்கிலாந்து எதிர் அல்ஜீரியா 0:0(0:0)

..

இந்த உ.கி.போட்டியிலேயே முதன்முதலாகச் சந்திக்கின்றன இங்கிலாந்தும்

அல்ஜீரியாவும்

. உலக தரத்தில் முறையே 8, 30 நிலைகளில் உள்ளன .போட்டியைகாண பிரித்தானிய இளவரசர்கள் வில்லியம், ஹரி வந்திருந்தார்கள். பரபரப்பாக போட்டி நடைபெற்றாலும் இருத்ரப்புக்கும் கோல் எதுவும் இல்லாமலேயே முற்பாதி முற்றுப்பெற்றது.

விளையாட்டில் இங்கிலாந்து அணியே மேலோங்கி இருந்தாலும் கோலடிக்கப் பல எத்தனங்கள் செய்தாலும் எதுவும் பயனளிக்கவில்லை. 90 நிமிடம் வரை சம்நிலையில் மாற்றம் நிகழவில்லை. இரண்டு ஆட்டங்களில் 2 புள்ளிகள் மட்டுமே இங்கிலாந்துக்கு. அல்ஜீரியா 1புள்ளியுடன் உள்ளது. இங்கிலாந்துக்கு ஸ்லவேனியாவுடன் அடுத்த போட்டி. அதில் வென்றால் மட்டுமே அடுத்த சுற்றுப் பற்றி சிந்திக்கமுடியும்.

நடுவர்: Ravshan Irmatov/ Uzbeskistan

விளையாட்டரங்கு:Green Point Stadium. Capetown
பார்வையாளர்: 61,000

---

(22/64) ஸ்லவேனியா எ. அமெரிக்கா 2

:2(2:0)

இன்றைய 2வது போட்டியில் அமெரிக்காவை எதிர்த்து ஸ்லவேனியா விளையாடியது. தொடக்கம் முதலே அமெரிக்க வீர்ர்கள் உற்சாகம் காட்டினர்.. கோலடிக்க முயன்றார்கள். ஆனால் 14ம் நிமிடத்தில் ஸ்லவேனிய வீரர் மிகத்தூர

இருந்து அடித்த பந்து கோலாகி

ஸ்லவேனியாவை முன்னிலைக்குக் கொண்டுவந்தது. தொடர்ந்து 41 ம் நிமிடத்தில் 2வது கோலை ஸ்லவேனிய Ljubijankikஇறக்கினார். முற்பாதி 2:0 என் முடிவடைந்தது.

2வது பாதி தொடங்கி 3வது நிமிடத்தில் அமெரிக்கா தனது முதல் கோலை ( London Donovan)இறக்கியது. மேலும் 81ம் நிமிடத்தில் Bradley மற்றொரு கோலை அடித்தார். ஆட்டம் சமநிலைக்கு வந்தது.

.

நடுவர்:Coullbaly (MLI)

விளையாட்டரங்கு:Johannesburg
பார்வையாளர்: 40,000

---

(21/64)ஜேர்மனி எதிர் சேர்பியா 0:1(0:1)

அட்டைகள் கோலாகலம்

மஞ்சள் 8 சிவப்பு 1 ==நடுவர்:Undiano. Alberto

இன்றைய முதல் போட்டியில் ஜேர்மனி சேர்பியாவுக்கு எதிராக விளையாடியது. சேர்பியாவுடனான முன்னைய போட்டிகளில் 4வெற்றி,1சமன்,1தோல்வி என ஜேர்மனி இருக்கிறது.

பரபப்பாக தொடங்கிய போட்டியில் இருதரப்பும் சமநிலையில் மோதினர். 11வது நிமிடத்தில் Klose மஞ்சள் அட்டை பெற்றார். அடுத்த 10 நிமிடத்துள் மேலும் 3 மஞ்சள் அட்டைகள். (2 சேர்பியா 1 ஜேர்மனி) தொடர்ந்து Lahmக்கு மஞ்சள் அட்டை. 37ம் நிமிடத்தில் Klose சிவப்புஅட்டையால் வெளியேற அடுத்த நிமிடத்தில் சேர்பியா த்னது முதல் கோலை இறக்கியது. சேர்பியா 0:1 என் முன்னிலை வகிக்க முற்பாதி நிறைவுற்றது. உ.கி.போட்டிகளில் 11 கோலுடன் (சாதனை=Ronaldo 15)உள்ள Kloseவின் சாதனைப் பாதை தடைபட்டுப்போனது.

பிற்பாதியில் 57ம் நிமிடத்தில் மஞ்சள் அட்டை சேர்பியாவுக்கு கொடுபட்டது. தொடர்ந்து இன்னொரு மஞ்சல் அட்டையின் பயனாக 2 நிமிடத்தில் கிடைத்த தண்டனை உதையை ஜேர்மனியின் Podolskiதவற விட்டார். சமன் செய்வதற்கான வாய்ப்பை ஜேர்ம்னிஅணி இழந்தது. 72ம் நிமிடத்தில் மீண்டும் ஒரு மஞ்சள் அட்டை. Schweinsteigerஜேர்மனிக்கு. எவ்வளவுக்கு முடியுமோ அவ்வளவுக்கு மஞ்சள் அட்டைகள் தாராளமாக நடுவரால் வழங்கப்பட்டது. மஞ்சள் அட்டை திருவிழாவின் பின் ஜேர்மனி தனது 2வது ஆட்டத்தில் தோல்வியடைந்த்து.

நடுவர்: Undiano/Spain

விளையாட்டரங்கு:Port Elisabeth
பார்வையாளர்: 42,000

7வது நாள்...17.6.2010

(20/64)பிரான்சு எதிர் மெக்சிக்கோ o:1(0:0)

தலா ஒரு புள்ளியை கொண்டுள்ள பிரான்சு, மெக்சிக்கோ என்பன இந்த

ஆட்டத்தில் மோதுகின்றன. 4ம் நிமிடத்திலேயே மெக்சிக்கோவின்Guillermo Francoக்குமஞ்சள் அட்டை, இருதரப்பும் கடுமையாக விளையாடின. பந்தை அதிகமாக விளயாடியவர்கள் பிரான்சாக இருந்தாலும் கோலடிப்பதற்கான எத்தனங்கள் மெக்சிக்கோவாலேயே அதிகம் மேற்கொள்ளப்பட்டன. இருதரப்பும் கோல் போடாமலே முற்பாதி முடிவடைந்தது.

பிற்பாதியில் மோதல் தீவிரமாகக் காணப்பட்டது. அடுத்தடுத்து 48, 49ம் நிமிடங்களில் இரு மஞ்சள் அட்டைகள் மெக்சிக்கோ வீரர் இருவருக்கு வழங்கப்பட்டது. 64ம் நிமிடத்தில் முதல் கோல் இறங்கியது. அடித்தவர் மெக்சிக்கோவின் Javier Hernandez.

77ம் நிமிடத்தில் ஒரு தண்டனை உதை கிடைத்தது. அதனைப் பயன்படுத்தி

2வது கோலை மெக்சிக்கோவின் CUAUHTEMOC BALNCO இறக்கினார். பிரான்சு பெரும் நெருக்கடிக்குள் வந்தது. வெல்வதற்கு 3 கோல்கள் ? சாத்தியமில்லை. மெக்சிக்கோவின் பாதுகாப்பு அணி சிறப்பாகச் செயல்பட்டது.

நடுவர்: Al Ghami/Saudi Arabia

விளையாட்டரங்கு:Polokwane
பார்வையாளர்: 30,000

---

(19/64)நைஜீரியா எதிர் கிரேக்கம் 1:2(1:1)
முதலாவது ஆட்டத்தில் தோல்வி அடைந்திருந்த அணிகள் இரண்டு மோதும் ஆட்டம் இது. இதிலும் தோற்றால் சுற்றுப்போட்டியிலிருந்து வெளியேற வேண்டிய அபாயம் உள்ளது. ஆட்டம் தொடங்கி 16ம் நிமிடத்தில் முதலாவது கோல். அடித்த்வர் நைஜீரியாவின் Kalu UCHE. 33ம் நிமிடத்தில் SANI KEITA சிவப்பு அட்டை கொடுக்கப்பட்டதனால் வெளியேற 10வீரர்களுடன் விளையாட
வேண்டிய நிலை நைஜீரியாவுக்கு.

தொடர்ந்த விளையாட்டில் 44ம் நிமிடத்தில் அடித்த (கிரேக்கவீரர் SALPINGIDIS) கோலுடன் 1:1 என போட்டி சமநிலை கண்டது.

பிற்பாதியாட்டம் பரபப்பு மிக்கதாக அமைந்திருந்தது. இருதரப்பும் கோலடிக்க முயன்றன. 72வது நிமிடத்தில் கிரேக்கவீரர் TOROSEDIS ஒரு கோலை இறக்கினார். நைஜீரிய காப்பாளர் பிடித்து தவறவிட்ட பந்தை அடித்தே கோல் பெறப்பட்டது. அதன் பின்னர் மாற்றமெதுவுமின்றி 1:2 என்னும் நிலையில் ஆட்டம் முடிவடைந்தது.

நடுவர்: RUIZ/COLUMBIA

விளையாட்டரங்கு:Bloemfontein
பார்வையாளர்: 30,000

---

(18/64)ஆர்ஜன்ரீனா எதிர் தென் கொரியா 4:1(2:1)

Higuains hat-trick Gala

ஜேர்மனியின் ஆட்டத்தினை அடுத்து ரசிகர்களுக்கு விருந்து படைத்த இன்னொரு ஆட்டம்

இன்றைய முதற்போட்டி தென் கொரியாவுக்கு ஆர்ஜன்ரீனாவுக்கும் இடையிலானது. போட்டி தொடங்கி 15வது நிமிடத்தி ஆர்ஜென்ரீனிய வீரர் தூரத்திலிருந்து அடித்த பந்தொன்று கொரிய வீரரின் காலில் பட்டு எதிர்பாராதவிதமாக கோலாகியது. எதேச்சையாகக் கிடைத்த கோலால் ஆர்ஜன்ரினா முன்னணி பெற்றது. தொடர்ந்து 32ம் நிமிடத்தில் மற்றொரு கோல் அதற்கு. GONZALO HIGUAIN தலையால் தட்டி அக்கோலைப் பெற்றார். போட்டியில் ஆர்ஜன்ரினா ஆதிக்கம் கொண்டிருந்தாலும் முற்பாதியின் கடைசி நொடியில் தன் பங்குக்கு ஒருகோலை அடித்து கொரியாவும் தன் கோல் கணக்கைத் தொடங்கியது. கோலை அடித்தவர் Lee Chung-yong.

பிற்பாதியில் ஆட்டத்தில் தீவிரம் காட்டிய ஆர்ஜன்ரீனியர்கள் பல கோல்களைஅடித்தனராயினும் கொரியக்(LEE WOON JAE) கோல்காப்பாளரால் அவற்றில் பலதடுக்கப்ப்ட்டன. முக்கியமாக MESSI கோலடிப்பதற்கு பலதட்வைகள் முயன்றும் பலன்கிட்டவில்லை. ஆனால் மேலும் 2கோல்களை Gonzalo Higuain அடித்தார். அதுவும் தொடர்ந்து 77, 80ம் நிமிடங்களில் இந்த ஆட்டத்தில் 3கோல்கள் அவரது கணக்கில் சேர்ந்தன. மெஸ்ஸியை கொரியர்கள் சுற்றிவளைக்க பிரச்சனையின்றி HIGUAIN கோல்களை அடித்தார். இறுதியில் 4:1 கணக்கில் ஆட்டம் முடிவடைந்தது.

நடுவர்:De Bleeckere/Belgium

விளையாட்டரங்கு:Johannesburg - Soccer City Stadium

பார்வையாளர்:80,000